Нийгмийн хариуцлага

Аймгийн захиргаа, төрийн байгууллагатай хамтран зохих хэмжээний зардлыг тус компани хариуцаж, аймаг орон нутагтаа тодорхой ажлууд хийдэг.

“ОТК” ХХК нь Нийгмийн хариуцлагын хүрээнд Говил багт байрлах “Говил гол”-ын гүүрэн гарамын засварын ажлыг  хийж гүйцэтгэв.

 

Монгол улсад хүүхдийн байгууллага үүсч, хөгжсөний 90 жилийн ойг угтсан “Хүүхэд гэр бүлийн хөгжил, хамгааллын төлөө сайн үйлсийн аян”-ы хүрээнд “ОТК” ХХК нь  Орхон аймгийн зорилтот, эмзэг бүлгийн болон хөгжлийн бэрхшээлтэй хүүхдүүдэд чиглэсэн үйл ажиллагаа явууллаа.

• “Хөгжлийн бэрхшээлтэй хүүхдүүдийн эцэг, эхийн холбоо” ТББ-ын өдөр өнжүүлэх төвийн 00-ын өрөөний засварын ажил. Уг ажлын хүрээнд 00-ын өрөөнд их засвар хийн, хөгжлийн бэрхшээлтэй хүүхдүүдэд бие засахад хялбар байхаар тохижуулан автомат суултуур болон энгийн суултуур, угаалтуур зэргийг шинээр суурилуулсан.

 

“ОТК” ХХК нь Уурхайчин багт байрлах 9-р цэцэрлэгт өөрийн хөрөнгөөр  хэсэгчилсэн гадна засвар хийж хандив өргөлөө.

 

Орхон аймгийн байгаль орчны газартай хамтран гурван замын уулзварын орчим байх ДОЛООН БУЛАГ эхийг өөрийн хөрөнгөөр  хамгаалалт хийж тохижууллаа. /http://www.erdenetnews.mn/?p=2213/